మాయా పంచకం

నిరుపమనిత్యనిరంశకేఽప్యఖండే మయి చితి సర్వవికల్పనాదిశూన్యే ।
ఘటయతి జగదీశజీవభేదం త్వఘటితఘటనాపటీయసీ మాయా ॥ 1 ॥

శ్రుతిశతనిగమాంతశోధకాన ప్యహహ ధనాదినిదర్శనేన సద్యః ।
కలుషయతి చతుష్పదాద్యభిన్నా నఘటితఘటనాపటీయసీ మాయా ॥ 2 ॥

సుఖచిదఖండవిబోధమద్వితీయం వియదనలాదివినిర్మితే నియోజ్య ।
భ్రమయతి భవసాగరే నితాంతం త్వఘటితఘటనాపటీయసీ మాయా ॥ 3 ॥

అపగతగుణవర్ణజాతిభేదే సుఖచితి విప్రవిడాద్యహంకృతిం చ ।
స్ఫుటయతి సుతదారగేహమోహం త్వఘటితఘటనాపటీయసీ మాయా ॥ 4 ॥

విధిహరిహరవిభేదమప్యఖండే బత విరచయ్య బుధానపి ప్రకామమ్ ।
భ్రమయతి హరిహరభేదభావా నఘటితఘటనాపటీయసీ మాయా ॥ 5 ॥